موضوع: مجموعه اقتـــــراحـــــات الأحد يناير 16, 2011 7:19 am
السلام عليكم ورحمه الله وبركاته دى تانى مشــاركه ليا تقريبا ووعدتكم انها تكون ليها مغزى
اولا بشكر الاخ الكريم اللى صمم المنتدي واشكر الادمن وجميع المشرفين على المنتدى والاعضاء كلهم وزى ما قولت لحضرتكم اللى خلانى ادخل المنتدى هو انى مسافر بره مصر بقالى فتره تقريبا سنتين وشويه وكنت مع واحد صاحبى بنتكلم عن الازهر وجامعه الازهر والدراسه فيه فحبيت افرجه على صور للكليه بتاعتى اللى اتخرجت منها وهى كليه الشريعه والقانون فرع دمنهور وافرجه على صور ليها فلقيت انكم عملتو منتدى او موقع ليه مع انى على ايامى كان فيه موقع برضو ليها بس مكنش متطور اوى كدا وشكرا للاخ المصمم اللى طور الموقع ودا اللى اعطانى الجراه وخلانى احب اقترح حجات اضافيه
بدايـــــه احب اعلق على حجات فى المنتدى او ممكن تسموه اقترح شويه حجات من وجهه نظرى المتواضعه واتمنى من الاخ المصمم انه يحاول يفكر فيها اولا:
ياريت نغير الاستايل بتاع المنتدى من بره لانه شكله ظاهر انه منتدى مجانى وان كان والله اعلم فعلا مجانى يعنى ممكن نحط شويه زخارف على صور للجامع الازهر على صور للكليه حجات من دى يعنى ونشيل الاعلانات اللى فى الواجهه واللى بتضايق الناس
ثانيا الاخ المصمم انا شايفك عامل قسم لكل شعبه
وداخل كل قسم عامل لكل شعبه الفرق بتاعتها وعامل لكل شعبه او فرقه مكان لوحديها طيب ليه ما تحطهم كلهم فى ركن واحد وتقسمهم بنفس الطريقه وتوفر حيز تانى لحجات تانيه ثانيا فين القسم الاسلامى يعنى فين منتدى القران القسم الخاص بالصوتيات الاسلاميه والكليبات ووالاناشيد الاسلاميه وفين قسم الرياضه ولا انت شايف اننا مش نحب نكون رياضيين وفين قسم البرامح وقسم الاخبار وقسم التعارف يعنى اقسام كتيره جدا مفقوده مع انها مهمه والا اى حد من اول مره هيدخل هنا هيحس ان المنتدى مفيهوش جديد ومفيهوش روح ومش هيدخل تانى يعنى حاول تضيف اقسام تانيه علشان احنا نفسنا تتفتح ونعمل موضوعات ونشارك تالت حاجه انا شايف ان مفيش حد بيكتب موضوعات تقريبا خالص ولا فيه حد بيرد ودا يمكن يكون علشان مفيش اقسام فى المنتدى تشجع ان الناس تسجل او تكتب موضوعات يا ريت الاخ المصمم والاخ الاديمن والمشرفين يراجعو كلامى دا ويردو عليا
وبارك الله فيكم وشكرا على الانصات
ومره اخيره انا بنتقد ومش حابب اقول انا بنتقد ولكن حابب اقول انا بقترح ودا لانى ازهرى صميم وحابب تكون الكليه بتاعتنا مشهوره وليها اسم ويكون المنتدى بتاعها فعال فعلا السلام عليكم ورحمه الله وبركاته
Admin ::المدير::
موضوع: رد: مجموعه اقتـــــراحـــــات الأحد سبتمبر 25, 2011 5:17 pm